प्रधानमन्त्री देउवा प्रचण्ड निवास खुमलटारमा

काठमाडौं। प्रधानमन्त्री शेरबहादुर देउवा नेकपा माओवादी केन्द्रका अध्यक्ष पुष्पकमल दाहाल प्रचण्डको निवास खुमलटार पुगेका छन्।

प्रधानमन्त्री देउवाले खुमलटार पुगेर बिरामी रहेकी प्रचण्ड पत्नी सीता दाहालको स्वास्थ्य अवस्थाबारे जानकारी लिएका छन्।

यसअघि प्रधानमन्त्री देउवासँग माओवादी अध्यक्ष प्रचण्डले बालुवाटार पुगेर भेट गरेका थिए। प्रधानमन्त्री देउवाले संसदबाट विश्वासको मत प्राप्त गरेसँगै सत्तारूढ नेताहरूबीच छलफल बाक्लिएको छ।

भेटमा सरकार सञ्चालन र गठबन्धनको साझा नीति तथा कार्यक्रम तय गर्ने विषयमा छलफल भएको बताइएको छ।

प्रचण्डले आजै नेकपा एमालेका वरिष्ठ नेता माधवकुमार नेपालसँग पनि भेटवार्ता गरेका थिए भने जसपा अध्यक्ष उपेन्द्र यादव र नेता नेपालबीच पनि छलफल भएको थियो।