अभिनेता पुष्प खड्काले किने ७० लाखको कार

अभिनेता पुष्प खड्काले आफूलाई फिल्म क्षेत्रमा स्थापित गरिसकेका छन् । म्युजिक भिडियो हुँदै फिल्ममा आएका उनले केही सफल र राम्रा फिल्ममा काम गरिसकेका छन् ।

पछिल्लो समय फिल्म र म्युजिक भिडियोमा निकै व्यस्त बनिरहेका अभिनेता पुष्पले आफ्नो एउटा सपना पूरा गरेका छन् । कलाकारिताको सुरुवाति दिनहरुमा यसै क्षेत्रबाट कमाएको पैसाले गाडी चड्ने सपना देखेका पुष्पले आफ्नो सपना पूरा गरेका छन् ।

करिअरको सुरुवति दिनहरुमा निकै संघर्ष खेपेका पुष्पले सोमबार पुष्पले नयाँ क्रेटा बार खरिद गरेका छन् । जसको मुल्य ७० लाख छ ।

कार किनेपछि पुष्पले भने, ‘कलाकारिता गरेर पनि आफूले देखेका सपनाहरु पूरा गर्न सकिने रै’छ । त्यसको लागि मिहिनेत र निरन्तरता जरुरी रहेछ । आज मेरो पनि एउटा सपना पूरा भएको छ ।’

पुष्प पछिल्लो समयका ‘डिमान्डेड’ अभिनेता हुन् । राम्रो अभिनय क्षमता भएका पुष्पलाई लिएर फिल्म बनाउन चाहाने निर्माताहरु धेरै छन् । पुष्प अभिनित तीन फिल्म कोरोनाका कारण रिलिज हुन सकेका छैनन् ।

कोरोनाका कारण फिल्मको काम सुरु नहुँदा पुष्प अहिले म्युजिक भिडियोमा व्यस्त छन् ।