हाइटीका राष्ट्रपति जोभनेल मोइजको निजी निवासमै हत्या

एजेन्सी। हाइटीका राष्ट्रपति जोभनेल मोइजको निजी निवासमै अज्ञात बन्दुकधारीको समूहले हमला गरी हत्या गरेको छ।

पोर्ट-अ-प्रिन्सस्थित राष्ट्रपतिको निवासमा स्थानीय समय अनुसार बिहान १ बजे अज्ञात हतियारधारीहरूले आक्रमण गरेर राष्ट्रपतिको हत्या गरेको अन्तरिम प्रधानमन्त्री क्लोड जोजेफले बताएका छन्।

सो आक्रमणमा प्रथम महिला घाइते भएकी छन्। अन्तरिम प्रधानमन्त्री जोजेफले “राज्यको निरन्तरताका लागि आवश्यक सबै उपायहरू अपनाइएको” बताएका छन्।

आफ्ना पूर्ववर्ती राष्ट्रपतिले राजीनामा दिएपछि ५३ वर्षीय जोभनेल मोइजले सन् २०१७ को फेब्रअरी महिनादेखि सत्ता सम्हालेका थिए।