पुष्प र साम्राज्ञी अभिनित ‘तिम्रो मेरो साथ’को डबिङ सुरु

अभिनेता पुष्प खड्का र अभिनेत्री साम्राज्ञी राज्यलक्ष्मी शाह अभिनित फिल्म ‘तिम्रो मेरो साथ’को डबिङ सुरु भएको छ । काठमाडौंमा रहेको ‘रेड स्टुडियो’मा पुष्प र साम्राज्ञीले डबिङ गरिरहेका छन् ।

रमेश एम के पौडेलको निर्माण तथा निर्देशनमा तयार भएको फिल्मलाई सविर श्रेष्ठले लेखेका हुन् । श्रेष्ठ फिल्मका कार्यकारी निर्मातासमेत रहेका छन् । फिल्मलाई शिव ढकालले खिचेका हुन् ।

फिल्मलाई नेपालभन्दा पहिला अमेरिका, अस्ट्रेलियालगायतका देशहरूमा रिलिज गर्ने निर्माण पक्षको लक्ष्य रहेको छ । नेपालमा भने दसैँ र तिहारको बीचमा रिलिज गर्ने निर्माण पक्षले जानकारी दिएको छ ।

फिल्ममा पुष्प र साम्राज्ञीसँगै सरोज खनाल, सन्दीप क्षेत्री र खड्गबहादुर पुन मगरलगायतको अभिनय रहेको छ ।