कोपा अमेरिका : बोलिभियामाथि चिलीको संघर्षपूर्ण जित

काठमाडौं। कोपा अमेरिका कप फुटबलमा चिली विजयी भएको छ । शनिबार बिहान भएको समूह ए को पहिलो खेलमा चिलीले बोलिभियालाई १–० ले हराएको छ ।

चिलीको जितमा १० औं मिनेटमा बेन ब्रेरिटनले गोल गरे । इंग्ल्याण्डमा जन्मिएका २२ वर्षे बेनकी आमा चिलीकी भएका कारण उनले त्यहाँको नागरिकता लिएर खेलेका हुन् ।

चिलीले अर्को खेल उरुग्वेसँग र अर्जेन्टिनाले पाराग्वेसँग खेल्नेछन् । समूह एमा समान ४–४ अंक जोडेका अर्जेन्टिना र चिली पहिलो र दोस्रो स्थानमा छन्।

प्रतियोगिताको पहिलो खेलमा चिली र अर्जेन्टिनाले १–१ गोलको बराबरी खेलेको थियो ।