युरोकप २०२० : जर्मनीको दुर्भाग्य, आत्माघाती गोलका कारण फ्रान्ससँग हार

युरोकप २०२० अन्तरगत मंगलबार राती भएको खेलमा जर्मनीबिरुद्ध फ्रान्सले जीत हासिल गरेको छ । फ्रान्सले १-० को जीत हासिल गरेको हो ।

खेलको २० औं मिनेटमा जर्मनीका मट्स हुम्मेल्सले आफ्नै पोष्टमा आत्माघाती गोल गरेका थिए । सोही आत्माघाती गोल नै निर्णायक गोल बनिदियो ।

खेल हेर्दा जर्मनीका खेलाडीको खुट्टाका बढि बल देखिन्थ्यो । राम्रो खेल्दा खेल्दै पनि जर्मनीले हार बेहोर्नु परेको थियो ।

खेलको ६६ औं मिनेटमा फ्रान्सका युवा खेलाडी केलियन एम्बापेले जर्मनीको पोष्टमा गोल छिराएका थिए । तर, एम्बापे अफसाइड भएका कारण उक्त गोल रद्द गरिएको थियो । ८६ औं मिनेटमा पनि एम्बापेको पासमा करिम बेन्जेमाले फ्रान्सको लागि गोल गरेका थिए । उक्त गोल पनि एम्बापे अफसाइड भएकै कारण रद्द भएको थियो ।

आफूले हानेको गोलबिना खेल जित्न सफल फ्रान्सले ३ अंक पाएको छ ।