जनमोर्चाका गण्डकी प्रदेशसभा सदस्य कृष्ण थापाको पद खारेज

काठमाडौं। राष्ट्रिय जनमोर्चाका गण्डकी प्रदेशसभा सदस्य कृष्ण थापाको पद खारेज भएको छ ।

सर्वोच्च अदालतले गण्डकी प्रदेशसभाका सांसद कृष्ण थापालाई पदमुक्त गर्ने राष्ट्रिय जनमोर्चा र गण्डकी प्रदेशसभा सचिवालयको निर्णयलाई सदर गरेको हो।

न्यायाधीश विश्वम्भरप्रसाद श्रेष्ठ र कुमार रेग्मीको संयुक्त इजलासले थापालाई उनको पार्टी राष्ट्रिय जनमोर्चाले गरेको निष्कासनको कारबाही कानुन बमोजिम नै रहेको ठहर गरेको हो ।

यसअघि सर्वोच्चले थापालाई कारबाही गर्ने निर्णय कार्यान्वयन नगर्न अनतरिम आदेश दिएपछि त्यसविरुछ जनमोर्चा र प्रदेशसभा सचिवालय पुनः सर्वोच्च गएका थिए ।