![](https://forwardkhabar.com/wp-content/uploads/2024/08/Rabi-Lamichhane2024-1-80x100.jpg)
![](https://forwardkhabar.com/wp-content/uploads/2021/05/lackdawn-police-karbahi-ktm.jpg)
काठमाडौं उपत्यकामा जारी निषेधाज्ञाका बारेमा प्रमुख जिल्लाहरूले आज छलफल गर्दै छन् । काठमाडौं, भक्तपुर र ललितपुरका प्रमुख जिल्ला अधिकारीहरूले उपत्यकामा कोरोना भाइरसको संक्रमणको अवस्थालाई विश्वलण गर्दै थप एक साता निषेधाज्ञा थप गर्ने तयारीका बारेमा छलफल गर्न लागेका हुन् ।
कोरोना संक्रमणदरमा केही कम आए पनि जोखिम अझै कायमै रहेकाले निषेधाज्ञा एक साता थप गर्ने निष्कर्षमा तीनै जिल्लाका प्रजिअहरू पुगेका छन् । स्वास्थ्य मन्त्रालयले दैनिक रूपमा जारी गर्नै कोभिड १९ सम्बन्धी बुलेटिनमा उपत्यकामा पछिल्ला दिनमा संक्रमितको संख्या घट्दै गएको देखिन्छ ।
निषेधाज्ञाबारे निर्णय गर्न तीनै जिल्ला प्रमुखको बैठक आइतबार दिउँसो साढे तीन बजे बस्ने भक्तपुरका प्रमुख जिल्ला अधिकारी प्रेमप्रसाद भट्टराईले बताए । निषेधाज्ञा केही खुकुल्लो बनाउनेबारेमा पनि छलफल भइरहेको उनको भनाइ छ ।
‘निषेधाज्ञा एक हप्ता थप गर्ने तयारी छ,’ उनले भने, ‘के–के खुकुलो बनाउन सकिन्छ भनेर बैठकमा छलफल हुन्छ । खुकुलो बनाउने सम्भावना भने कम छ ।’
उपत्यकामा प्रशासनले कोरोना भाइरसको चेन ब्रेक गर्न भन्दै १६ वैशाखदेखि उपत्यकामा लगाइएको थियो । पछिल्लो पटक १० दिन निषेधाज्ञा थपिएको थियो । निषेधाज्ञा भोलि सकिँदैछ । यस अवधिमा किराना पसल, तरकारी तथा फलफूल डिपार्टमेन्ट स्टोरलाई निश्चित समय तोकेर खोल्न अनुमति दिइएको छ ।
काठमाडौं उपत्यकामा शनिबार ५९८ संक्रमित थपिएका थिए । काठमाडौंमा ३९१, ललितपुरमा १३० र भक्तपुरमा ७७ संक्रमित थपिएको स्वास्थ्य मन्त्रालयको तथ्यांक छ । शनिबारसम्म काठमाडौं उपत्यकामा सक्रियको संख्या १५ हजार ६८३ रहेको छ । काठमाडौंमा ९ हजार २२९ ललितपुरमा ३ हजार ७४४ र भक्तपुरमा २ हजार ७१० सक्रिय संक्रमित रहेका छन् ।
यसअघि जारी निषेधाज्ञाको आदेश यस्तो थियो
![](https://scontent.fktm8-1.fna.fbcdn.net/v/t1.6435-9/193792225_1887859791387672_7696651730752639964_n.jpg?_nc_cat=111&ccb=1-3&_nc_sid=730e14&_nc_ohc=sblhp1f9S_YAX-RYEHn&_nc_ht=scontent.fktm8-1.fna&oh=d5a9b5340b28fd128a515722bd212a17&oe=60CA4912)
![](https://scontent.fktm8-1.fna.fbcdn.net/v/t1.6435-9/192108108_1887859884720996_2369251541256923100_n.jpg?_nc_cat=103&ccb=1-3&_nc_sid=730e14&_nc_ohc=u6XL0ZkHcVMAX_OcGbX&_nc_ht=scontent.fktm8-1.fna&oh=9f6f824b9fb822021a92e4e97b617ca3&oe=60C9E280)
![](https://scontent.fktm8-1.fna.fbcdn.net/v/t1.6435-9/191821900_1887859918054326_3069457806211465063_n.jpg?_nc_cat=111&ccb=1-3&_nc_sid=730e14&_nc_ohc=rcReL0Vu96MAX8qPAEK&_nc_ht=scontent.fktm8-1.fna&oh=d1efa9dd3667b51fd0f187c7a5120f77&oe=60CAD9B3)
![](https://scontent.fktm8-1.fna.fbcdn.net/v/t1.6435-9/193495012_1887859961387655_3645871338388044893_n.jpg?_nc_cat=105&ccb=1-3&_nc_sid=730e14&_nc_ohc=jOLKYrKDjxEAX8XJUkW&_nc_oc=AQngUwIZFt7sWI2tBkTXvLoX822dcfzZj_av07bkk79yS_vgOxBkNeTysGLCM4ER9yM&_nc_ht=scontent.fktm8-1.fna&oh=70f23e4a54ba7b81c32e561183e2f906&oe=60CAC079)
फर्वाडखबर डटकममा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउन वा 9867415506/9847728821 फोन गर्न सक्नुहुने छ ।
![Avatar photo](https://forwardkhabar.com/wp-content/uploads/2023/07/cropped-unnamed-96x96.jpg)