देशभर ३,३८४ जना संक्रमित थपिए, ६,२९५ जना संक्रमणमुक्त

काठमाडौं। देशभर पछिल्लो २४ घण्टामा ३ हजार ३८४ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार ८ हजार ५०६ जनाको पीसीआर परीक्षण गर्दा २ हजार ३८२ जना र ५ हजार ९८८ जनाको एन्टिजेन परीक्षण गर्दा १००२ जनामा संक्रमण पुष्टि भएको हो ।

नयाँ संक्रमितमध्ये काठमाडौंमा ३९१, ललितपुरमा १३० र भक्तपुरमा ७७ जना छन्। यस्तै पछिल्लो २४ घन्टामा ६ हजार २९५ जना संक्रमणमुक्त भएका छन् ।

नेपालमा कूल संक्रमितमध्ये ५ लाख २७ हजार १११ जना निको भएका छन् । देशभर सक्रिय संक्रमितको संख्या ७१ हजार ३०१ छ ।

पछिल्लो २४ घन्टामा थप ६१ जनाको कोरोनाका कारण मृत्यु भएको छ । यो सँगै कोरोनाबाट मृत्यु हुनेको संख्या ८ हजार ३६६ पुगेको छ ।