दोस्रो तिलोत्तमा महोत्सवमा आज आउदैछन् यी चर्चित कलाकारहरु

गोविन्द भुसाल, बुटवल । दोस्रो तिलोत्तमा महोत्सवको दोस्रोदिन आज चर्चित आधुनिक गायिका सुजाता पाण्डे  आउने भएकि छिन् । पाण्डेसंगै लोक गायक दिपक गरौजा ,  गायिका संगीता चितौरे , गायिका ब्युटी रसालसहित स्थानीय कलाकारको बजोड प्रस्तुति रहने महोत्सवका संयोजक तथा तिलोत्तमा व्यापार  संघका अध्यक्ष  तेज प्रसाद  न्यौपानेले जानकारी दिए ।

सनिवार अर्थात तेस्रोदिन चर्चित लोक दोहोरी गायक चन्द्र शर्मा,  गायिका सपना गाहा ,  गायक धन बहादुर गुरुङ , गायक विष्णु सिंजाली लगायतको प्रस्तुति रहेनेछ ।

यस्तै  महोत्सवका सास्कृतिक संयोजक तेज प्रसाद पाण्डेले डान्स र गायनतर्फका प्रतिस्पर्धीले आआफ्नो प्रस्तुति राख्ने बताए । खुल्ला गायन तथा खुल्ला नृत्य प्रतियोगिताको कार्यक्रमलाई गायक तथा उद्घोषक दिपु मगर र विविध सास्कृतिक कार्यक्रम लभसन गुरुङले संचालन गर्नेछन् ।

“व्यावसायिक दक्षता अभिवृद्धि र स्वरोजगार  : सिदृढ आर्थिक विकासका निम्ति व्यापार विस्तार ” भन्ने मुलनाराका साथ संचालन भइरहेको महोत्सवलाई प्रमुख अतिथि लुम्बिनी प्रदेशका मुख्यमन्त्री माननीय चेतनारायण आचार्यले समुद्घाटन गरेका थिए ।

दोस्रो तिलोत्तमा महोत्सव मणिग्राम-५ मा रहेको प्रदशनी मण्डपमा  मंसिर ६ गतेदेखि सुरु भएको हो । भने यो महोत्सव मंसिर १८ गतेसम्म संचालन हुने छ ।