पहिलो पटक बुटवलको ग्याष्ट्रो प्रालिले गर्‍यो ग्रामिण क्षेत्रमा गइ निःशुल्क इण्डोसकोपी सेवा

बुटवल । गुल्मीको सत्यवती गाउँपालिका भार्सेमा एक दिने निःशुल्क स्वास्थ्य शिविर सम्पन्न गरिएको छ । सो शिविरमा विशेष गरि पेट सम्वन्धि समस्या भएका विरामीहरुका लागि पेट सम्वन्धि सम्पुर्ण रोगको निःशुल्क परीक्षण गरिएको थियो । पछिल्लो समय विरामीहरुको रोजाइमा परेको रुपन्देहीको बुटवलमा रहेको बुटवल ग्याष्ट्रो सेन्टर प्रालिको प्राविधिक सहयोग तथा स्थानीय थाप्ले क्लवले संयोजनमा आयोजना गरिएको उक्त शिविरमा एक सय पचास जना भन्दा बढिले स्वास्थ सेवा लिएका थिए । यसरी पहिलो पटक ग्याष्ट्रो प्रालिले
ग्रामिण क्षेत्रमा गइ निःशुल्क इण्डोसकोपी सेवा दिइएको हो ।

उक्त सिविरमा समान्यदेखि जटिलसम्मका पेट रोगिहरुको स्वास्थ्य परीक्षण गरेसंगै २५ जनाको निःशुल्क इण्डोसकोपी गरिएको ग्याष्ट्रो प्रालिका बरिष्ट ग्याष्ट्रोइन्टेरो तथा हेपाटोलोजिष्ट डाक्टर मोहन भुसालले बताउनुभयो ।

सत्यवती–८ भार्से स्वास्थ्य चौकीमा संचालन गरिएको शिविरमा पुगेका बिरामीलाई निःशुल्क औषधी वितरण गरिएको थियो भने पेटको जटिल रोगका विरामी दुई जना र अल्सर भएका विरामी १६ जनाको रोग पहिचान समेत भएको डा. भुसालले जानकारी दिनुभयो ।
शिविरको उद्घाटन कार्यक्रमका प्रमुख अतिथी सत्यवती गाँउपालिकाका अध्यक्ष टिकाराम पाण्डेले गर्नुभएको थियो । कार्यक्रममा बोल्दै उहाले `स्वास्थ्य शिविरमा निःशुल्क इण्डोसकोपी सेवा लुम्विनी प्रदेशमै नुमनाका रुपमा गरिएको बताउँदै ग्रामीण क्षेत्रमा भएका विरामीको स्वास्थ्य परीक्षणमा ग्याष्ट्रो सेन्टरले उदाहरणीय कार्य गरेको भन्दै प्रशंसा तथा धन्यवाद व्यक्त गर्नुभयो ।´

यस्तै सो शिविरले गुल्मीमै सकारात्मक सन्देश दिएको  भार्से क्लवका अध्यक्ष नरबहादु बुढाथोकीले बताउनुभयो । शिविरमा सत्यवती गाँउपालिकाका साथै अन्य विभिन्न पालिकाकाबाट समेत विरामीहरु आफ्नो स्वास्थ्य परीक्षण गर्न आएको उहाँले जानकारी दिनुभयो ।