ओबामाक‍ो अन्तर्वार्ता लिने अमेरिकी बालपत्रकारको निधन

११ वर्षकै उमेरमा तत्कालिन अमेरिकी राष्ट्रपति बाराक ओबामाको अन्तर्वार्ता लिएका बाल पत्रकारको निधन भएको छ ।
गत मे १ का दिन बाल पत्रकार डेमोन वेभरको निधन भएको उनकी दिदीले जानकारी गराएकी छन् । मृत्युको कारण खुलाइएको छैन् ।
उनले अगस्ट २००९ मा अमेरिकी राष्ट्रपति ओबामासँग १० मिनेट अन्तर्वार्ता लिएका थिए । उनले ओबामा राष्ट्रपति भएको बेला ह्वाइट हाउसमा अन्तर्वार्ता लिएका थिए । उनको २३ वर्षको उमेरमा निधन भएको अन्तर्राष्ट्रिय सञ्चारमाध्यमले जनाएका छन्।

उनी जर्जियाको अल्बानी स्टेट युनिभर्सिटीमा सञ्चार विषयमा अध्ययरत थिए।