कोरोना संक्रमणबाट पछिल्लो २४ घन्टामा २०३ जनाको मृत्यु

काठमाडौं। कोरोना भाइरस संक्रमणबाट पछिल्लो २४ घन्टामा २०३ जनाको मृत्यु भएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कोरोना संक्रमणबाट मृत्यु हुनेको संख्या ४ हजार ६६९ हजार पुगेको छ ।

यस्तै २४ घन्टामा ८ हजार ५२० जना संक्रमित थपिएका छन् । २० हजार ९९८ पीसीआर र ५३० एन्टिजेन परीक्षण गर्दा ८ हजार ५२० जनामा संक्रमण पुष्टि भएको छ ।

यससँगै नेपालमा कोरोना संक्रमितको संख्या चार लाख ३९ हजार ६५८ पुगेको छ । नेपालमा हाल सक्रिय संक्रमितको संख्या एक लाख ७ हजार ३३६ पुगेको छ ।

सक्रिय संक्रमितमध्ये ९८ हजार ८६९ जना होम आइसोलेसनमा र आठ हजार ४६७ जना संस्थागत आइसोलेसनमा छन् । एक हजार ३३४ जना आईसीयूमा र ३७१ जना भेन्टिलेटरमा उपचाररत छन् ।

पछिल्लो २४ घण्टामा छ हजार १३५ जना संक्रमणमुक्त भएका छन् । हालसम्म संक्रमणमुक्त हुनेको संख्या तीन लाख २७ हजार ६५३ पुगेको छ ।