२ बजे प्रधानमन्त्रीको शपथ, मन्त्रिपरिषद् विस्तार आजै गरिने

बिहीबार प्रधानमन्त्रीमा नियुक्त भएका नेकपा एमालेका अध्यक्ष केपी शर्मा ओली आज पद तथा गोपनियताको शपथ लिदैछन् । राष्ट्रपति कार्यालयले दिउँसो २ बजे शपथ गराउने तयारी गरेको छ ।
पद तथा गोपनियताको सपथसँगै आजै मन्त्रिपरिषद् विस्तार गर्ने तयारी रहेको छ ।
२७ वैशाखमा संसदबाट विश्वासको मत गुमाएका ओलीलाई राष्ट्रपति विद्यादेवी भण्डारीले संविधानको धारा ७६ को उपधारा ३ अनुसार प्रधानमन्त्रीमा नियुक्त गरेकी हुन् ।
यसअघि बैकल्पिक सरकार दिन तीन दिनको समय दिइएको थियो त्यो समयमा अन्य दलले सरकार दिन नसकेपछि उनले ठूलो दलको संसदीय नेताक‍ो रुपमा ओलीलाई नियुक्ति गरेकी हुन् ।