यस्तो छ आजको मौसम

काठमाडौं । आज देशका केही स्थानमा वर्षा हुने सम्भावना रहेको छ ।

मौसम पूर्वानुमान महाशाखाका अनुसार आज दिउँसो प्रदेश १, बागमती र गण्डकीका एक, दुई स्थानमा हल्का वर्षाको सम्भावना रहेको छ ।

त्यस्तै, उच्च पहाडी तथा हिमाली भूभागका एक वा दुई स्थानमा हिमपातको सम्भावना छ ।

आज राति प्रदेश १, बागमती र गण्डकीमा वर्षा हुने अनुमान महाशाखाले गरेको छ ।

त्यस्तै सोमबार पहाडी भू–भागका एक, दुई स्थानमा हल्का वर्षाको सम्भावना रहेको छ ।

सोमबार राति प्रदेश १, गण्डकी र कर्णालीका एक, दुई स्थानमा हल्का वर्षाको सम्भावना छ ।

त्यस्तै उच्च पहाडी तथा हिमाली भू–भागमा हिमपातको सम्भावना रहेको मौसम पूर्वानुमान महाशाखाले जनाएको छ ।