![](https://forwardkhabar.com/wp-content/uploads/2024/08/Rabi-Lamichhane2024-1-80x100.jpg)
![](https://forwardkhabar.com/wp-content/uploads/2021/10/t-20-pakistan_tEBfu6WtMc.jpg)
काठमाडाैँ । जारी आईसीसी टी–२० विश्वकप क्रिकेट प्रतियोगितामा पाकिस्तानले लगातार तेस्रोपटक जितेको छ।
सुपर १२ अन्तर्गत समूह २ मा रहेको पाकिस्तानले शुक्रबार अफगानिस्तानलाई ५ विकेटले हराएको हो। लगातार तेस्रो जितसँगै पाकिस्तान शीर्ष २ मा रहेर सेमिफाइनल खेल्ने लगभग पक्का भएको छ।
टस जितेर ब्याटिङ रोजेको अफगानिस्तानले निर्धारित २० ओभरमा ६ विकेट गुमाउँदै १४७ रन बनायो भने १४८ रनको लक्ष्य पछ्याएको पाकिस्तानले ६ बल बाँकी छँदा ५ विकेट गुमाउँदै लक्ष्य भेट्टायो।
सुरुमा ब्याटिङ गरेको अफगानिस्तानका लागि मोहम्मद नाबी र गुल्बादिन नाइबले ३५/३५ रन बनाए। यस्तै नजिबुल्लाह जर्दानले २२, करिम जनतले १५ तथा रहमानुल्लाह गुर्बाज र अस्घर अफगानले १०/१० रन जोडे।
बलिङतर्फ पाकिस्तानका इमाद वसिमले २ तथा शहीन अफ्रिदी, ह्यारिस राउफ, हसन अली र शदाब खानले १/१ विकेट लिएका थिए।
जवाफी ब्याटिङमा पाकिस्तानका लागि कप्तान बाबर आजमले सर्वाधिक ५१ रन बनाए भने फखर जमनले ३०, असिफ अलीले २५, सोयब मलिकले १९ र मोहम्मद हाफिजले १० रन जोडेका थिए।
अफगानिस्तानका रासिद खानले २ तथा मुजीब उर रहमान, मोहम्मद नाबी र नवीन उल हकले १/१ विकेट लिएका थिए।
फर्वाडखबर डटकममा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउन वा 9867415506/9847728821 फोन गर्न सक्नुहुने छ ।
![Avatar photo](https://forwardkhabar.com/wp-content/uploads/2023/07/cropped-unnamed-96x96.jpg)