![](https://forwardkhabar.com/wp-content/uploads/2024/08/Rabi-Lamichhane2024-1-80x100.jpg)
![](https://forwardkhabar.com/wp-content/uploads/2021/10/Muskan-khatun-scaled.jpg)
प्रदेश २ सरकारले पर्सा वीरगञ्जकी एसिड पीडित मुस्कान खातुनको थप उपचारका लागि पाँच लाख सहयोग गर्ने भएको छ ।
मन्त्रिपरिषद्को आज बसेको बैठकले एसिड पीडित खातुनको थप उपचारका लागि पाँच लाख उपलब्ध गराउने निर्णय गरेको हो ।
वीरगञ्ज–४ स्थित गणेशमान चोकमा २०७६ भदौ २० गते दुई युवकले मुस्कानमाथि एसिड प्रहार गरेका थिए ।
यसअघि खातुनको उपचारका लागि संघीय सरकारले पनि तीन लाख सहयोग उपलब्ध गराएको थियो ।
यसैगरी उनको उपचारका लागि वीरगञ्ज महानगरपालिका कार्यालयले दुई लाख र नगर प्रमुख विजय सरावगीको तलब भत्ताबाट एक लाख गरी जम्मा तीन लाख सहयोग गरेको थियो ।
यसअघि प्रदेश सरकारले एसिड पीडित जनकपुरकी आरती साहलाई पनि पाँच लाख सहयोग गरेको थियो ।
फर्वाडखबर डटकममा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउन वा 9867415506/9847728821 फोन गर्न सक्नुहुने छ ।
![Avatar photo](https://forwardkhabar.com/wp-content/uploads/2023/07/cropped-unnamed-96x96.jpg)