बाढीपहिरोमा परी १०१ जनाको मृत्यु, ४१ जना बेपत्ता

गत आइतबारदेखि परेको अविरल वर्षाका कारण आएको बाढी पहिरोबाट मृत्यु हुनेको संख्या १०१ पुगेको छ ।

बाढीपहिरोबाट सबैभन्दा बढी प्रदेश १ मा ६० जना, बागमती प्रदेशका १ जना, कर्णाली प्रदेशका ७ जना र सुदूरपश्चिम प्रदेशका ३१ जना गरी जम्मा १ सय १ जनाको मृत्यु भएको प्रहरीले जनाएको छ।

प्रदेश १ मा १९ जना, कर्णालीमा ४ जना र सुदूरपश्चिममा १७ जना गरी ४० जना घाइते भएका छन् ।

यसैगरी बाढी पहिरोमा परी प्रदेश १ मा १३ जना, प्रदेश २ मा १ जना, लुम्बिनी प्रदेशमा ३ जना, कर्णाली प्रदेशमा १ जना र सुदूरपश्चिममा २३ जना गरी जम्मा ४१ जना हराइरहेका छन् । उनीहरूको खोजी भइरहेको छ।